तांबापुरा भागातील तीन संशयितांना अटक; २ दिवसांची पोलीस कोठडी
जळगाव (प्रतिनिधी): जळगाव शहरातील नेहरू नगर भागात घडलेल्या घरफोडीचा छडा लावण्यात एमआयडीसी पोलीस स्टेशनच्या पथकाला यश आले आहे. गुन्ह्यातील २३ हजार रुपये किमतीचे चांदीचे देव व तांब्या-पितळाची भांडी पोलिसांनी हस्तगत केली असून तीन आरोपींना अटक केली आहे.
फिर्यादी गोविंद पाटील हे बाहेरगावी गेले असताना त्यांच्या बंद घराचे कुलूप तोडून ही चोरी झाली होती. याप्रकरणी नवीन ‘भारतीय न्याय संहिता २०२३’ च्या कलमांनुसार गुन्हा नोंदवण्यात आला होता. पोलीस निरीक्षक बबन आव्हाड यांच्या सूचनेनुसार पीएसआय चंद्रकांत धनके आणि पथकाने तांत्रिक तपास करून तांबापुऱ्यातील शाहरुख शहा, मुकेश परमार आणि दीपक पाटील यांना ताब्यात घेतले. न्यायालयाने आरोपींना २ दिवसांची पोलीस कोठडी मंजूर केली असून पोहेकॉ किरण चौधरी पुढील तपास करीत आहेत.
