नवी दिल्ली (वृत्तसंस्था) – जागतिक आरोग्य संघटनेचे प्रमुख ट्रेडॉस अधानॉम घेब्रेयेसस यांनी आज (गुरुवारी) पंतप्रधान नरेंद्र मोदी यांचे कौतुक केले. कोरोना व्हायरसमुळे भारतातील लॉकडाऊनबाबत मोदी सरकारने घेतलेल्या गोरगरीब आणि गरजू लोकांच्या हितासाठी घेतलेल्या निर्णयांबद्दल त्यांनी पंतप्रधान मोदींचे कौतुक केले आहे.ट्रेडॉस म्हणाले की, लॉकडाउन सारख्या निर्णयांचे गंभीर परिणाम सर्वात गरीब आणि उपेक्षित घटकांवर सर्वाधिक परिणाम करतात. ‘कोरोना विषाणूच्या संसर्गाचा प्रसार रोखण्यासाठी सर्व देश आपल्या नागरिकांना घरीच राहून लोकांच्या हालचाली थांबवण्यास सांगत आहेत.ट्रेडॉस यांनी गरिबांना मोफत रेशन , रोख पैसे आणि मोफत गॅस सिलिंडर्स दिल्याबद्दल भारत सरकारचे कौतुक केले आणि पंतप्रधान मोदी यांचे कौतुक केले आणि लिहिले, ‘कोरोना संकटाच्या वेळी भारतातील गरीबांसाठी 24 अब्ज डॉलर्सच्या पॅकेजची घोषणा करण्यासाठी मी पंतप्रधान नरेंद्र मोदी यांचे कौतुक करतो. त्यांनी 800 दशलक्ष गरजूंना मोफत रेशन, 204 दशलक्ष गरजूंना आर्थिक मदत आणि 80 दशलक्ष कुटुंबांना मोफत स्वयंपाक गॅसची घोषणा केली आहे.ते पुढे म्हणाले की, अनेक विकसनशील देश या पातळीवर जनहिताचे कार्यक्रम राबविण्यासाठी संघर्ष करत आहेत. गरिबांच्या हिताचे प्रयत्न सामाजिक आणि आर्थिकदृष्ट्या पुढे नेतात आणि देश अधिक बळकट करतात.
