जामनेर (प्रतिनिधी):- जामनेर बसस्थानक परिसरात एका महिलेची रोख रक्कम व सोन्याचे दागिने चोरीला गेल्याची घटना उघडकीस आली आहे. याप्रकरणी जामनेर पोलीस ठाण्यात गुन्हा दाखल करण्यात आला आहे.
पोलिसांकडून मिळालेल्या माहितीनुसार, दिनांक 23 एप्रिल 2026 रोजी दुपारी सुमारे 3.00 वाजता ही घटना घडली. अज्ञात चोरट्याने फिर्यादी महिलेच्या जवळील मौल्यवान वस्तूं चोरून नेल्या.
चोरीस गेलेल्या मुद्देमालामध्ये –
सुमारे ₹70,000 किंमतीची 20 ग्रॅम सोन्याची पोत
₹10,000 किंमतीची 4.5 ग्रॅम सोन्याची पोत
तसेच ₹9,500 रोख रक्कम
असा एकूण ₹89,500 चा ऐवज चोरीस गेला आहे.
फिर्यादी माधुरी विलास पाटील (वय 35, रा. जारगाव, ता. पाचोरा, जि. जळगाव) यांनी दिलेल्या तक्रारीवरून गुन्हा दाखल करण्यात आला आहे.
या प्रकरणी अज्ञात आरोपीविरुद्ध भारतीय न्याय संहिता 2023 च्या कलम 303(2) अंतर्गत गुन्हा नोंदवण्यात आला असून, पुढील तपास पोलीस करत आहेत.
