जळगाव ( प्रतिनिधी ) –गोदावरी कॉलेज ऑफ नर्सिंग, जळगाव येथे यारी रॅगींग विरोधी युवा मोहीम या संकल्पनेअंतर्गत अँटी-रॅगिंग सप्ताहाचे आयोजन उत्साहात करण्यात आले. विद्यार्थ्यांमध्ये रॅगिंगविरोधी जनजागृती निर्माण करून सुरक्षित, सन्मानपूर्ण, मैत्रीपूर्ण आणि रॅगिंगमुक्त कॅम्पस निर्माण करणे हा या सप्ताहाचा प्रमुख उद्देश होता.
डॉ. अक्षता पाटील हॉल येथे उद्घाटन समारंभ व अँटी-रॅगिंग शपथविधीने झाली. कार्यक्रमाचे उद्घाटन अॅड. शैलेश रविकांत नागला,एलएलएम यांच्या हस्ते झाले. नागरी व फौजदारी कायद्याच्या क्षेत्रातील १३ वर्षांच्या अनुभवाच्या आधारे त्यांनी विद्यार्थ्यांना रॅगिंगचे कायदेशीर परिणाम, त्याचे विद्यार्थ्यांच्या मानसिक व शैक्षणिक जीवनावर होणारे दुष्परिणाम तसेच रॅगिंग रोखण्यासाठी आवश्यक प्रतिबंधात्मक उपाययोजनांबाबत मार्गदर्शन केले. यावेळी विद्यार्थ्यांनी रॅगिंगविरोधी शपथ घेत रॅगींगला नकार दयाचा संदेश दिला.सप्ताहाच्या विविध उपक्रमांमध्ये विद्यार्थ्यांचा उत्स्फूर्त सहभाग दिसून आला. विद्यार्थी संवाद व रॅगिंग प्रतिबंध जनजागृती उपक्रम घेण्यात आला. रॅगींगला नकार दया या विषयावर घोषवाक्य व पोस्टर स्पर्धेचे आयोजन करण्यात आले. अँटी-रॅगिंग जनजागृती रॅली काढण्यात आली. रॅलीदरम्यान विद्यार्थ्यांनी विविध घोषवाक्यांच्या माध्यमातून रॅगिंगविरोधी जनजागृती केली. अँटी-रॅगिंग लोगो डिझायनिंग व फोटोग्राफी स्पर्धा घेण्यात आल्यात. सप्ताहाच्या समारोपानिमित्त शॉर्ट फिल्म सादरीकरण, प्रमाणपत्र वितरण व समारोप समारंभ आयोजित करण्यात आला. शॉर्ट फिल्मच्या माध्यमातून रॅगिंगचे गांभीर्य, त्याचे विद्यार्थ्यांवर होणारे परिणाम आणि रॅगिंगमुक्त वातावरणाचे महत्त्व अधोरेखित करण्यात आले.अँटी-रॅगिंग सप्ताहाच्या माध्यमातून विद्यार्थ्यांमध्ये परस्पर सन्मान, सहकार्य, संवेदनशीलता आणि जबाबदारीची भावना रुजविण्याचा प्रयत्न करण्यात आला. रॅगिंगला नाही, मैत्रीला होकार हा संदेश देत सप्ताह उत्साहात संपन्न झाला.
