जळगाव ;- अमळनेर तालुक्यातील जवखेडे येथील एका शेतात शाळा बांधल्यानंतर तहसीलदारांनी बजावलेली नोटीस आणि कारवाई टाळण्यासाठी १५ हजारांची लाच स्वीकारताना तलाठ्याला एसीबीच्या पथकाने आज दुपारी सापळा रचून अटक केली . मुकेश सुरेश देसले (वय-४५) रा. धुळे असे या तलाठ्याचे नाव आहे.
तक्रारदार यांचे अमळनेर तालुक्यातील जवखेडे शिवारात शेत आहे. शेताच्या जागेवर शाळेसाठी बांधकाम केले आहे. तहसीलदार यांनी नोटीस बजावल्यानंतर तक्रारदाराने दंड देखील भरला मात्र त्यानंतरही कारवाई करण्याची धमकी देवून पुढील कारवाई टाळण्यासाठी १५ हजार रूपयांची लाच जावखेड येथील तलाठी मुकेश सुरेश देसले (वय-४५) रा. धुळे यांनी मागितली. तक्रारदार यांनी लाचलुचपत विभागात तक्रार दिल्यानंतर आज दुपारी १२.३० वाजता सापळा रचून १५ हजार रूपयांची लाच स्विकारतांना तलाठी देसले याला रंगेहात पकडले.
