चोपडा तालुक्यातील अडावद येथील घटना
चोपडा (प्रतिनिधी) : तालुक्यातील अडावद येथील पेट्रोल पंप परिसरात भरधाव वेगाने येणाऱ्या आयशरने जोरदार धडक दिल्याने दुचाकीवरील वृध्द आजीचा जागीच मृत्यू झाला तर आजोबा आणि नातू गंभीर जखमी झाल्याची घटना शनिवार १५ जून रोजी सकाळी ७ वाजता घडली आहे. याप्रकरणी अडावद पोलीस ठाण्यात रात्री ८.३० वाजता गुन्हा दाखल करण्यात आला आहे.
गजाबाई सोनारिंग बारेला (रा. उसमळी पाडा ता. यावल जि.जळगाव) असे मयत वृध्द महिलेचे नाव आहे. सुभाष चोटीराम बारेला (वय २० रा. उसमळी ता. यावल) हा तरूण कुटुंबासह वातव्याला आहे. शनिवारी १५ जून रोजी सकाळी ७ वाजेच्या सुमारास अडावद गावाकडून चोपडा येथे जाण्यासाठी आजी गजाबाई सोनारसिंग बारेला आणि आजोबा सोनारसिंग पिदा बारेला यांच्या सोबत दुचाकी एमएच १९ सीटी ४२६३ ने निघाले होते. त्यावळी अडावद गावाजवळील पोट्रोल पंपाजवळ पेंट्रेाल भरण्यासाठी सुभाष बारेला याने दुचाकी पेट्रोलपंपाजवळ हळहळू केली.
त्यावेळी वळण घेण्याच्या तयारीत असतांना त्याला (आयशर क्रमांक एमएच ०४ एफजे ५४९७) ने जोरदार धडक दिली. या धडकेत गजाबाई बारेला या वृध्द महिला जागीच ठार झाले तर सुभाष बारेला आणि त्याचे आजोबा सोनारसिंग बारेला हे गंभीर जखमी झाले. याप्रकरणी रात्री ८ वाजता अडावद पोलीस ठाण्यात अज्ञात आयशर चालकावर गुन्हा दाखल करण्यात आला आहे. पुढील तपास पोहेकॉ नसिर तडवी हे करीत आहे.
