यावल (प्रतिनिधी ) – यावल तालुक्यातील किनगाव येथील माहेर असलेल्या विवाहितेचा पाच लाखासाठी छळ केला आहे. याप्रकरणी यावल पोलीस स्टेशनला पतीसह सासरच्या मंडळी विरोधात गुन्हा दाखल करण्यात आला आहे.
याबाबत सविस्तर वृत्त असे की, यावल तालुक्यातील किनगाव येथील माहेर असलेल्या भारतीय निलेश सोनवणे ( वय – ३०) या विवाहितेचा नाशिक येथील निलेश राजेंद्र सोनवणे यांच्याशी सन २०२० मध्ये रितीरिवाजानुसार विवाह झाला. लग्नाचे सुरुवातीचे दिवस चांगले गेल्यानंतर तिचे पती निलेश सोनवणे यांनी ऑफिससाठी माहेरहून पाच लाख रुपये आणावे अशी मागणी केली. दरम्यान विवाहितेने कोणतीही पैसे न आणल्यामुळे मनात राग ठेवून पती निलेश राजेंद्र सोनवणे याने तिला शिवीगाळ करून मारहाण करत छळ केला. तसेच सासू, नंणंद व नंदोई, मावस सासरे यांनी देखील पैशांसाठी मागे लागले. हा प्रकार सहन न झाल्याने विवाहिता माहेरी किनगाव, ता. यावल येथे निघून आल्या. विवाहितेने यावल पोलीस स्टेशनला दिलेल्या तक्रारीवरून पती निलेश राजेंद्र सोनवणे, सासू सीमा राजेंद्र सोनवणे, नणंद प्रज्ञासागर निकम, नंदोई सागर शंकरराव निकम, मावस सासरे किशोर उत्तमराव हिरे सर्व रा. सिडको नाशिक यांच्या विरोधात गुन्हा दाखल करण्यात आला आहे. या घटनेचा पुढील तपास पोलीस हेडकॉन्स्टेबल नरेंद्र बागुले करीत आहे.