जळगाव ( प्रतिनिधी ) –राष्ट्रवादी काँग्रेस पक्ष – शरदचंद्र पवार पक्षाच्या संघटनात्मक बांधणीला जळगाव शहरात अधिक बळकटी देण्यासाठी विशाल राजेंद्र देशमूख यांची ‘जळगाव शहर जिल्हा अध्यक्ष’ (कामगार सेल) पदी अधिकृत नियुक्ती करण्यात आली आहे. पक्षाचे महाराष्ट्र प्रदेश कामगार सेलचे अध्यक्ष शिवाजी रा. खटकाळे यांनी मुंबई येथून हे अधिकृत नियुक्तीपत्र प्रदान केले.
विशाल देशमूख यांची पक्षाप्रती असलेली निष्ठा, मजबूत संघटनात्मक कौशल्य आणि कामगार चळवळीतील सातत्यपूर्ण व सक्रिय योगदान लक्षात घेऊन पक्षश्रेष्ठींनी त्यांच्यावर ही महत्त्वाची जबाबदारी सोपवली आहे. नियुक्तीपत्राद्वारे प्रदेशाध्यक्ष शिवाजी खटकाळे यांनी विश्वास व्यक्त केला की, “आगामी काळात जळगाव शहर परिसरात कामगार सेलच्या माध्यमातून पक्ष संघटना अधिक मजबूत करण्यासाठी विशाल देशमूख जोमाने कार्य करतील. शरदचंद्रजी पवार साहेबांचे पुरोगामी विचार आणि पक्षाची ध्येय-धोरणे तळागाळातील सर्वसामान्यांपर्यंत व असंघटित कामगार वर्गापर्यंत पोहोचवण्यात त्यांचे मोलाचे योगदान राहील.”
आपल्या या निवडीबद्दल विशाल देशमूख यांनी पक्षश्रेष्ठींचे व आदरणीय पवार साहेबांचे आभार मानले असून, कामगारांचे प्रश्न सोडवण्यासाठी आणि जळगाव शहरात पक्ष संघटना घराघरांत पोहोचवण्यासाठी तत्परतेने कार्य करणार असल्याचा संकल्प व्यक्त केला. या निवडीबद्दल राजकीय, सामाजिक, औद्योगिक व कामगार क्षेत्रातून त्यांच्यावर अभिनंदनाचा वर्षाव होत आहे.
