धरणगाव तालुक्यातील पाळधी येथे शेतकऱ्याचे लाखोंचे नुकसान
धरणगाव (प्रतिनिधी) : तालुक्यातील पाळधी येथे उघड्या विद्युत रोहीत्राचा शॉक लागून बैलजोडी मृत्युमुखी पडल्याची घटना रविवारी दिनांक 30 जून रोजी सकाळच्या सुमारास गायत्री मंदिराजवळ घडली.
उत्तर प्रदेशातील बंटी चिमा बारेला हा गेल्या अनेक वर्षांपासून पाळधी येथे राहतो. शेती काम करुन तो कुटुंबाचा उदनिर्वाह करतो. आज गावातील गायत्री मंदिराच्या जवळ असलेल्या शेतात काम करीत होता. दुपारी अचानक पाऊस आल्याने शेतातील कामे थांबली होती. याच वेळी शेतातील बैलजोडी घेऊन गावात येत असताना रस्त्यावर विज वितरण कंपनीची उघडी डीपी होती.
याच डीपी जवळून जात असताना अचानक विजेच्या धक्का लागून बैलजोडी ठार झाली. ऐन पावसाळ्यात व हंगामाच्या वेळी ही घटना घडल्याने शेतकऱ्यावर मोठे संकट कोसळले आहे. घटनेची माहिती मिळताच पाळधी पोलीस चौकीचे कर्मचाऱ्यांनी घटनास्थळी जाऊन माहिती घेतली होती.
