बुलडाणा ( प्रतिनिधी )– बुलडाणा-मलकापूर मार्गावर ट्रकने एसटी बसला धडक दिल्याने बसमधील 25 प्रवासी जखमी झाले आहेत. ही घटना मोहेगावाजवळ सकाळी घडली. अपघातात 5 गंभीर जखमी असून 20 प्रवासी किरकोळ जखमी आहेत.
सर्व जखमींवर बुलडाणा जिल्हा सामान्य रुग्णालयात उपचार सुरू आहेत. सोनाळा – बुलडाणा ही बस सकाळी नऊच्या सुमारास बुलडाणाकडे येत होती यावेळी बुलडाणाकडून येणाऱ्या एका वाहनाला मागून येणाऱ्या ट्रकने ओव्हरटेक करण्याच्या प्रयत्नात समोरून येणाऱ्या एसटीला धडक दिली. त्यामुळे हा अपघात घडला. स्थानिकांनी तात्काळ जखमींची मदत करत त्यांना रुग्णालयात हलवले.