रावेर ( प्रतिनिधी ) – रावेर शहराजवळील शिवारातील सोलर प्लांटमध्ये घुसून तांब्याच्या डीसी केबल व अर्थिंग वायर कापून नुकसान केल्याची घटना उघडकीस आली आहे. या प्रकरणी रावेर पोलीस ठाण्यात अज्ञात व्यक्तीविरुद्ध भारतीय न्याय संहिता (BNS) कलम 324(5) अन्वये गुन्हा दाखल करण्यात आला आहे.
पोलिसांनी दिलेल्या माहितीनुसार, रावेर शिवारातील गट क्रमांक 580 मधील सोलर प्लांटमध्ये 7 जुलै 2026 रोजी रात्री 9 ते 8 जुलै रोजी सकाळी 7 वाजेच्या दरम्यान ही घटना घडली. अज्ञात व्यक्तीने प्लांटमधील 14 बंडल थिन कॉपर डीसी केबल तसेच 16 स्क्वेअर मिमीचे एक बंडल अर्थिंग वायर कापून नुकसान केले.
याप्रकरणी प्रकाश श्रीराम अग्रवाल (वय 62, रा. गजानन नगर, रावेर) यांनी दिलेल्या फिर्यादीवरून 9 जुलै 2026 रोजी सायंकाळी रावेर पोलीस ठाण्यात गुन्हा नोंदविण्यात आला.
घटनेमागील कारण अद्याप स्पष्ट झाले नसून अज्ञात व्यक्तीचा शोध सुरू आहे. या प्रकरणाचा पुढील तपास रावेर पोलीस करत आहेत.
