जळगाव (प्रतिनिधी)- शहरातील खडका चौफुली परिसरात एक तरूण गावठी बनावटीचे पिस्टल घेवून फिरत असतांना स्थानिक गुन्हे शाखेच्या पथकाने अटक केली व त्याच्या ताब्यातील गावठी पिस्टल हस्तगत केले असून भुसावळ बाजारपेठ पोलीस ठाण्यात गुन्हा नोंदविण्यात आला आहे.
पोलिसांकडून मिळालेली माहिती अशी की, शहरातील खडका परिसरात संशयित आरोपी अरबाज आरीफ पटेल (वय-२२) रा. पटेल कॉलनी हा तरूण हातात गावठी बनावटीचे पिस्टल घेवून फिरत असल्याची माहिती स्थानिक गुन्हे शाखेच्या पथकाला मिळाली. त्यानुसार स्थानिक गुन्हे शाखेकडील स.फौ.अशोक महाजन , शरीफोद्दीन काझी , युनुस शेख, किशोर राठोड, रणजीत जाधव अशांना भुसावळला रवाना केले. पथकाने सापळा रचत खडका चौफुली ते भुसावळ शहरात जाणाऱ्या रोडवरील इकरा मदरसा रोडजवळ उभा असतांना अटक केली व त्याच्या ताब्यातील २० हजार रूपये किंमतीची गावठी बनावटीची पिस्टल हस्तगत केली. संशयित आरोपी अरबाज पटेल यांच्या विरोधात आर्म ॲक्ट कायद्यानुसार भुसावळ बाजारपेठ पोलीस ठाण्यात गुन्हा नोंदविण्यात आला आहे.
