एमआयडीसी पोलिसांचा यशस्वी तपास
जळगाव (प्रतिनिधी) : शहरातील एमआयडीसी पोलीस स्टेशनच्या हद्दीत काही दुचाकी चोरीला गेल्याची घटना घडली होती. याप्रकरणी पोलिसांनी तपास करून दुचाकीचोरांना मध्यप्रदेशातील खंडवा येथील कारागृहातून ताबा घेत त्यांना अटक केली आहे.
मध्यप्रदेशातील खंडवा जिल्ह्यातील पिपलोद पोलीस स्टेशनच्या हद्दीत दोन संशयित आरोपीना अटक करण्यात आली होती. त्यांच्याकडून स्थानिक पोलिसांना दुचाकी चोरीबाबत माहिती मिळाली होती. त्यात संशयित अनोप धनसिंग कोलम (कोरकू) (वय १८, रा. सुकवि थाना, खालवा, जि. खंडवा) व अंकित सुकलाल ठाकूर (वय २२, रा. अरविंद नगर, मुसाखेडी, इंदोर) यांना अटक केली होती. त्यांनी जळगावात एमआयडीसी पोलीस स्टेशन हद्दीत दुचाकी चोरी केल्याचे उघड झाले होते.
त्यानुसार एमआयडीसी पोलीस स्टेशनच्या पथकाने खंडवा कारागृहातून ताबा घेत अटक केली. दोन्ही संशयितांना एमआयडीसी पोलीस स्टेशन हद्दीतून १ लाख ८५ हजार रुपयांच्या ६ दुचाकी चोरल्याची कबुली दिली आहे. या दुचाकी जप्त करण्यात आल्या आहेत. सदर कामगिरी पोनि बबन आव्हाड यांचे मार्गदर्शनाखाली पोउनि दीपक जगदाळे, दत्तात्रय पोटे, सफौ अतुल वंजारी, गणेश सपकाळे, गफूर तडवी, सुनील सोनार, विकास सातदिवे, योगेश बारी, छगन तायडे आदींनी केली आहे.
