पारोळा तालुक्यात बायपासवरील घटना
पारोळा ( प्रतिनिधी ) – येथील बायपासवरील धरणगाव चौफुलीपासून अर्धा किलोमीटरवर दि. ३१ रोजी रात्री साडेअकरा वाजेच्या सुमारास पारोळ्याकडून हनुमंतखेडा गावी जात असलेल्या वनरक्षकाच्या दुचाकीला अचानक आग लागल्याने व त्यात वनरक्षक भाजल्याने जखमी झाला आहे.
धरणगाव तालुक्यातील हनुमंतखेडा येथील रहिवासी व तरवाडे ता. पारोळा येथे वनरक्षक म्हणून ईश्वर बलदेव मोरे हे कार्यरत आहे. सोमवारी रात्री त्यांची शाईन मोटरसायकल क्रमांक (एमएच १९ ई एच ४००६) ला अचानक आग लागली. त्यांना बाहेर निघता न आल्याने त्यात ते गंभीररित्या जळाले. मोटरसायकल पूर्ण खाक होऊन तिचा सांगाडा उरलेला आहे. सदर घटनेची माहिती सकाळी पोलिसांना मिळाली. घटनास्थळी पोलिसांनी जाऊन सदर वाहनाची तपासणी केली. जखमी वनरक्षक यांच्यावर पारोळा कुटीर रुग्णालय येथे प्रथमोपचार करून त्यांना पुढील उपचारार्थ धुळे येथे हलविण्यात आले आहे.
