नातेसंबंधाच्या संशयातून व्यापाऱ्यावर पाइपने जीवघेणा हल्ला
शिवीगाळ, मारहाण; दोघांविरुद्ध गुन्हा दाखल
चाळीसगाव (प्रतिनिधी) : चाळीसगाव शहरातील धुळे रोड परिसरात नातेसंबंधाच्या संशयातून एका व्यापाऱ्यावर प्लास्टिकच्या जाड पाइपने मारहाण करून जीवे मारण्याची धमकी दिल्याची घटना घडली. याप्रकरणी चाळीसगाव शहर पोलीस ठाण्यात दोन जणांविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, ही घटना २ ऑगस्ट रोजी सकाळी सुमारे १० वाजेच्या सुमारास धुळे रोडवरील तेजस कॉर्नर परिसरात घडली. फिर्यादी मंगेश सुभाष पाटे (वय ३८, रा. श्रीराम नगर, चाळीसगाव) हे आरोपींच्या नातेवाईकांशी बोलत असल्याचा राग मनात धरून आरोपी सागर अभिमन झोडगे (रा. धुळे रोड, चाळीसगाव) व त्याचा साथीदार शुभम (पूर्ण नाव व पत्ता अज्ञात) यांनी फिर्यादीला शिवीगाळ केली.
यानंतर आरोपींनी प्लास्टिकच्या जाड पाइपने फिर्यादीच्या डाव्या हातावर, पाठीवर आणि डोक्यावर मारहाण करून दुखापत केली. तसेच जीवे मारण्याची धमकी दिल्याचे फिर्यादीत नमूद करण्यात आले आहे.
या प्रकरणी चाळीसगाव शहर पोलीस ठाण्यात गुन्हा क्रमांक ३६८/२०२६ अन्वये भारतीय न्याय संहिता (BNS) कलम ११८(१), ३५१(२), ३५२ व ३(५) अंतर्गत गुन्हा दाखल करण्यात आला आहे.
या घटनेचा पुढील तपास पोलीस हवालदार प्रशांत पाटील करीत आहेत.
