धरणगाव तालुक्यातील पाळधी खुर्द येथील घटना
धरणगाव (प्रतिनिधी) :- तालुक्यातील पाळधी खुर्द गावातील रुक्मिणी नगरात मध्यरात्री बंद घराचे कुलूप तोडून चोरटयांनी कपाटातील २ लाख रुपयांची रोकड चोरून नेल्याची घटना बुधवारी २९ नोव्हेंबर रोजी सकाळी ६ वाजता उघडकीला आली. याबाबत रात्री ९ वाजता धरणगाव पोलिसात गुन्हा दाखल करण्यात आला आहे.
परेश सुभाष सोनवणे (वय-२५,रा.रुक्मिणी नगर, पाळधी खुर्द ता. धरणगाव) हा तरुण चहाची टपरी चालवून तो आपला उदरनिर्वाह करतो. मध्यरात्री अज्ञात चोरट्यांनी बंद घराचे दरवाजाचे कुलूप तोडून आत प्रवेश करत प्लॉट घेण्यासाठी ठेवलेले २ लाख रुपयांची रोकड चोरून नेली आहे. बुधवारी २९ नोव्हेंबर रोजी सकाळी ६ वाजता घटना समोर आली. घरात चोरी झाल्याचे लक्षात आल्यानंतर परेश सोनवणे यांनी रात्री ९ वाजता धरणगाव पोलीस ठाण्यात धाव घेऊन तक्रार दिली आहे. त्यांनी दिलेल्या तक्रारीवरून अज्ञात चोरट्यांविरोधात धरणगाव पोलीस ठाण्यात गुन्हा दाखल करण्यात आला. पुढील तपास सहाय्यक पोलीस निरीक्षक सचिन शिरसाठ करीत आहे.
