चोपडा–चुंचाळे–चौगाव–लासूर मार्गावरील वाहतूक पुन्हा सुरळीत
पावसामुळे पडलेली झाडे हटवून प्रशासनाची तातडीची कार्यवाही; नागरिकांना दिलासा
चोपडा | प्रतिनिधी
मुसळधार पावसामुळे चोपडा–चुंचाळे–चौगाव–लासूर या महत्त्वाच्या मार्गावर अनेक ठिकाणी मोठी झाडे पडल्याने वाहतूक काही काळासाठी ठप्प झाली होती. मात्र, संबंधित यंत्रणांनी तातडीने कार्यवाही करत रस्त्यावर पडलेली झाडे सुरक्षितरीत्या हटवून मार्ग पुन्हा वाहतुकीसाठी खुला केला आहे.
घटनेची माहिती मिळताच प्रशासन, सार्वजनिक बांधकाम विभाग आणि संबंधित कर्मचाऱ्यांनी घटनास्थळी धाव घेतली. यंत्रसामग्रीच्या सहाय्याने रस्त्यावर पडलेली झाडे कापून बाजूला करण्यात आली. त्यानंतर रस्त्याची साफसफाई करून वाहतुकीस अडथळा निर्माण करणारा सर्व मलबा हटविण्यात आला.
सद्यस्थितीत चोपडा–चुंचाळे–चौगाव–लासूर मार्गावरील वाहतूक सुरळीत सुरू असून वाहनचालकांना दिलासा मिळाला आहे.
प्रशासनाकडून परिसरातील परिस्थितीवर सातत्याने लक्ष ठेवण्यात येत असून, पावसाचा जोर कायम असल्याने नागरिकांनी आवश्यक ती खबरदारी घ्यावी, तसेच प्रवासादरम्यान प्रशासनाच्या सूचनांचे पालन करावे, असे आवाहन करण्यात आले आहे.
