गुन्हेगारी थांबेचना…
चाळीसगाव (प्रतिनिधी) :- शहरातील मध्यवर्ती भाग असलेल्या रेल्वे स्टेशन येथे कारमधून आलेल्या तीन ते चार तरुणांनी अंदाधुंद गोळीबार करून माजी नगरसेवक बाळू मोरे यांना गंभीर जखमी केले आहे. त्यांच्यावर चाळीसगाव ग्रामीण रुग्णालयात उपचार सुरु करण्यात आले आहे.
चाळीसगाव येथे गोळीबार झाल्याने तालुक्यासह जिल्ह्यात खळबळ उडाली आहे. बुधवारी दि. ७ फेब्रुवारी सायंकाळी ५ वाजेच्या सुमारास शहरातील मध्यवर्तीय भाग असलेले रेल्वे स्टेशन येथे हि घटना घडली. यात सुमारे तीन ते चार राऊंड फायर करण्यात आले आहे. गोळीबार करणारे मारेकरी चारचाकी कारमधून फरार झाले. या घटनेने जिल्ह्यातील पोलीस यंत्रणा हादरली असून हाय अलर्ट जारी झाला आहे.
याप्रकरणी चाळीसगाव शहर पोलीस स्टेशनचे अधिकारी माहिती घेण्याचे काम करीत असून शहरात खळबळ उडाली आहे.
