जामनेर तालुक्यातील पहूर येथील घटना
जामनेर (प्रतिनिधी) :- तालुक्यातील पहूरपेठ अंतर्गत असलेल्या ख्वाजा नगरातील पादचाऱ्याला सकाळी अज्ञात वाहनाने धडक दिल्याने जागीच मृत्यू झाल्याची घटना जळगाव- छत्रपती संभाजीनगर महामार्गावर रविवारी पहाटे ५ वाजेच्या दरम्यान घडली आहे. याप्रकरणी पहूर पोलीस स्टेशनला घटनेची नोंद करण्यात आली आहे.
दौलत लोटू कुंभार (वय ५८) असे मयताचे नाव आहे. दौलत कुंभार हे मजुरी करून परिवाराचा उदरनिर्वाह करीत होते. पश्चात तीन मुले, पत्नी, सुना नातवंडे असा परिवार आहे. (केसीएन)दौलत कुंभार हे सकाळी बाहेर गेले होते. त्यांना येण्यास उशीर झाला. परिवाराने त्यांचा तपास घेतला. यादरम्यान जळगाव-छत्रपती संभाजीनगर महामार्गाच्या कडेला त्यांचा मृतदेह आढळून आला.
त्यांच्या डोक्याला जबर मार बसला होता. अज्ञात वाहनाने धडक देऊन घटनास्थळावरून फरार झाल्याचे दिसून आले. दौलत कुंभार यांचे पहूर ग्रामीण रुग्णालयात शवविच्छेदन करण्यात आले. पहूर पोलीस स्टेशनला घटनेची नोंद करण्यात आली आहे.
