जळगाव तालुक्यातील म्हसावद येथील घटना
जळगाव (प्रतिनिधी) : भरधाव ट्रकने दुचाकीला धडक दिल्यामुळे दुचाकीस्वार गंभीर जखमी झाले. ही घटना ९ ऑक्टोबर रोजी म्हसावद गावाजवळ घडली. याप्रकरणी ट्रकचालक श्रीकांत प्रकाश घिसाडी (रा. खर्ची, ता. एरंडोल) याच्याविरुद्ध गुन्हा दाखल करण्यात आला आहे.
रहीम अमीर पटेल (रा. नाचणखेडा, ता. जामनेर) असे जखमीचे नाव आहे. नाचणखेडा येथील रहीम पटेल हे दुचाकीने म्हसावद ते एरंडोल रस्त्याने घरी जात होते. त्यावेळी समोरून भरधाव येणाऱ्या ट्रकने जोरदार धडक दिली. यात दुचाकीस्वाराच्या डोक्याला, तोंडाला आणि पायाला गंभीर दुखापत झाली. जखमीचे भाऊ अलीम अमीर पटेल यांनी एमआयडीसी पोलिस ठाण्यात फिर्याद दिली. त्यानुसार ट्रकचालक श्रीकांत घिसाडी याच्यावर गुन्हा दाखल करण्यात आला आहे.
