जळगाव शहरातील जानकी नगरातील घटना
जळगाव (प्रतिनिधी) :- येथील एका प्रौढाने आजाराला कंटाळून राहत्या घरी छताला गळफास लावून घेत आत्महत्या केल्याची धक्कादायक घटना शुक्रवारी दि. २७ रोजी सकाळी ११ वाजेच्या सुमारास उघड झाले आहे. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
विश्वनाथ शिवराम मिस्तरी (पवार, वय ६०, रा. जानकी नगर, जळगाव) असे मयत प्रौढाचे नाव आहे. ते जानकी नगरात वडील, पत्नी, २ मुलांसह राहत होते. मजुरी काम करून ते परिवाराचा उदरनिर्वाह करीत होते.(केसीएन)दरम्यान, शुक्रवारी दि. २७ रोजी सकाळी ११ वाजेच्या सुमारास राहत्या घरी कोणी नसताना छताला गळफास लावून घेत आत्महत्या केली. कुटुंबीय घरी आले तेव्हा हि घटना समोर आली.
विश्वनाथ मिस्तरी यांचा मृतदेह शासकीय वैद्यकीय महाविद्यालय व रुग्णालयात आणला असता वैद्यकीय अधिकाऱ्यांनी तपासणी करून मयत घोषित केले. यावेळी कुटुंबीयांनी एकच आक्रोश केला. (केसीएन)विश्वनाथ हे अनेक वर्षांपासून आजारी होते. त्यामुळे त्यांनी आत्महत्या केली असावी अशी माहिती नातेवाईकांनी दिली. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
