सोयगाव तालुक्यातील पहुरी बुद्रूक येथील घटना
सोयगाव (प्रतिनिधी) : तालुक्यातील पहुरी बुदूक येथील शेतकऱ्याचा पाय घसरून विहिरीत पडल्याने पाण्यात बुडून मृत्यू झाल्याची घटना बुधवारी घडली. घटने प्रकरणी संबंधित पोलीस स्टेशनला अकस्मात मृत्यूची नोंद करण्यात आली आहे.
काकासाहेब भागाजी सपकाळ (वय ३९) असे मयताचे नाव आहे. त्यांच्या पश्चात पत्नी, दोन मुले, एक भाऊ आहे. दिनांक २१ रोजी सकाळी काकासाहेब सपकाळ हे काही कामानिमित्त शेतात गेले होते. ते घरी परत आले नाही. त्यामुळे घरची मंडळी व ग्रामस्थांनी शोधाशोध केली असता चंद्रभान शेळके यांना काकासाहेब सपकाळ यांना मृतदेह विहिरीत दिसला. पोलीस उपनिरीक्षक रज्जाक शेख, जमादार संदीप सुसर राजेंद्र बर्डे, श्रीकांत तळेगावकर यांनी ग्रामस्थांच्या मदतीने रात्री मृतदेह बाहेर काढला. त्यानंतर मृतदेह रुग्णालयात नेण्यात आला होता. घटनेप्रकरणी अकस्मात मृत्यूची नोंद करण्यात आली आहे.
