पारोळा शहरातील दुपारची मध्यवस्तीतील घटना
पारोळा (प्रतिनिधी) : येथील स्टेट बँकेत वाघरे येथील शेतकऱ्याने ४ लाख ८० हजार रुपयाचे सोने गहाण ठेवून कर्ज घेतले होते. त्यातील ३ लाख रुपये आपल्या स्कुटीच्या डिक्कीत ठेवले होते. या घटनेकडे अज्ञात चोरट्यांनी पाळत ठेवत डिक्कीतून तीन लाख रुपयाचा ऐवज लंपास केल्याची घटना गुरुवारी दि. १८ रोजी दुपारी दोन वाजेच्या सुमारास घडली.
वाघरे ता. पारोळा येथील शेतकरी प्रकाश विठ्ठल पाटील यांनी शेती व्यवसायासाठी आपल्या कडील सोने पारोळा येथील भारतीय स्टेट बँकेत गहाण ठेवून त्या पोटी ४ लाख ८० हजार रुपयेचे कर्ज काढले होते.(केसीएन)त्यातुन १ लाख ८० हजाराची रक्कम आपल्या जवळ ठेवून उर्वरीत रक्कम स्कुटी क्रं एम एच १९ डी वाय ३९६ च्या डिक्कीत ठेवली होती. स्टेट बँकेमधून स्कुटीने व्यकटेश नगर येथे असलेल्या आपल्या नातेवाईकाकडे कामानिमित्त गेले असता स्कुटी अंगणात लावून गेले होते.
अज्ञात चोरट्यांनी त्यांच्यावर पाळत ठेवून त्याठिकाणी पैसे न काढता स्कुटी गाडी घेऊन पसार झाले. त्यानंतर या चोरट्यांनी काही अंतरावर असलेल्या राणी लक्ष्मीबाई नगर येथे स्कुटीच्या डिक्कीतुन तीन लाख रुपये काढून स्कुटी त्याच ठिकाणी लाऊन पसार झाले. (केसीएन)याबाबत सर्वत्र सीसीटीव्ही पोलिसांनी तपासली असता असता स्टेट बँक परिसरातुनच हे चोरटे या वृद्ध दापंत्यावर पाळत ठेवून होते. हे वृद्ध ज्या ठिकाणी गेले. त्या सर्वत्र ठिकाणी अज्ञात तीन इसम त्यांच्या मागेच होते, असे दिसून आले.
सर्व घटना शहरातील विविध ठिकाणी लावलेल्या सीसीटीव्हीत कैद झाल्या आहेत. याबाबत पारोळा पोलीस स्टेशनला गुन्हा दाखल करण्यात आला आहे. दरम्यान भर दिवसा चोऱ्यांचे प्रकार होत असल्याने आश्चर्य व्यक्त केले जात आहे.
