आदिवासी समाजबांधवांचा मोठा उत्साह
चंद्रकांत कोळी
रावेर ( प्रतिनिधी) : तालुक्यातील गारखेडा येथील भोंगऱ्या बाजारात महसुल विभातर्फे रावेरचे तहसीलदार बंडू कापसे यांनी मतदानाची जनजागृती केली. यावेळी रावेर यावल मतदारसंघचे आ.शिरीष चौधरी यांची उपस्थिती होती.
रावेर तालुक्यातील पाल येथून जवळच असलेला गारखेडा येथे.होळीनिमित्त आदिवासी पावरा समाज बांधवतर्फे भोंगऱ्या बाजाराचे आयोजन करण्यात आले होते . सातपुडयाच्या कुशीत आदिवासी बांधवामध्ये भोंगरा सण सर्व गांवांमध्ये साजरा केला जात आहे . याचे औचित्य साधून रावेरचे तहसीलदार यांनी सेल्फी पॉईंट तयार करून आदिवासी बांधमध्ये जागृती केली. मतदान विशेष कार्यक्रम घेण्यात आला. सर्वांनी मतदान करावा, असे आवाहन करण्यात आले.
गारखेडा येथे आदिवासी पावरा समाजातर्फे तिसरा भोगऱ्या उत्सवाचे आयोजन करण्यात आले होते. या उत्सवात पालसह परिसरातील गारबरडी, गाडग्यांआम मांजल, जामन्या गाडऱ्या, निंमड्या, उस मळी, सायबुपाडा, पिंपरकुंड येथील आदिवासी समाज बांधव मोठ्या संख्येने सहभागी होते. ढोल, थाळी व बासुरीच्या तालावर ठेका धरत आदिवासीं नृत्य करत आनंदोत्सव उत्सव साजरा केला. तसेच आमदार शिरीष चौधरी यांनीही सहभागी होऊन ठेका धरत आनद साजरा केला.
भोंगऱ्या उत्सवाला बारा वाजता सुरुवात करण्यात आली. वाजतगाजत संध्याकाळी पाच वाजता समारोप करण्यात आला. या बाजारात होळीच्या हार कंगन, फुटाणे, सोदर्य प्रसाधनची साधने ,संसार उपयोगी वस्तू, लहान मुलांची खेळणी, रंगीबेरंगी रंगाची दुकाने होती. यावेळी आमदार शिरीष चौधरी ,तहसीलदार बंडू कापसे, सरपंच रतन बारेला, ग्रां प.सदस्या इरफान तडवी, गिरासिंग बारेला, संजय पवार, उत्तम चव्हाण, मुबारक तडवी,बबलू तडवी, गाठू बारेला,सुभासिंग बारेला, दिलीप वैद्य, प्रकाश पाटील, गोरेलाल बारेला पंचायत समिती सदस्य मध्यप्रदेश, संतोष नवले ,योगेश सैतवाल,संतोष राठोड महेश बारेला,नुरा तडवी आदी सहभागी झाले.
