जळगाव (प्रतिनीधी) – कुरिअरमधे पार्सल अडकून पडले असल्याचा बहाणा करुन एका वकीलाला पाठवलेल्या वेब लिंकच्या माध्यमातून ४१ हजाराची फसवणूक झाल्याची घटना उघड झाली आहे. या प्रकरणी जिल्हा पेठ पोलीस स्टेशनला गुन्हा दाखल करण्यात आला आहे.
निखील विजय भोलाणे हे वकील असून न्यु बि.जे.मार्केट मधील फ्लॅटमधून त्यांचे कामकाज चालते. त्यांना वेळोवेळी चार मोबाईल क्रमांकावरुन फोन आले. आपले कुरियरचे पार्सल अडकून पडले असल्याचे त्यांना सांगण्यात आले. एका मोबाईल क्रमांकावरुन त्यांना वेब लिंकचा एक टेक्स्ट मेसेज पाठवण्यात आला. त्या लिंकवर त्यांनी क्लिक केल्यानंतर त्यांच्या बॅंक खात्यातून फसवणूक करणा-यांनी रक्कम स्विकारली.
मात्र नंतर आपली फसवणूक झाल्याचे लक्षात आल्यानंतर अॅड. भोलाणे यांनी जिल्हापेठ पोलिस स्टेशन गाठून फिर्याद नोंदवली. तपास हे.कॉ. महेंद्र पाटील करत आहेत.
