जळगाव (प्रतिनिधी) – जळगाव जिल्हा काँग्रेस कमिटी, जळगाव व जिल्हा युवक काँग्रेस यांच्या वतीने टॉवर चौक येथे उद्योजक ललित मोदी व निरव मोदी यांच्या प्रतिकात्मक पुतळ्याचे दहन करण्यात आले. यावेळी पदाधिकारी, कार्यकर्त्यांनी प्रचंड घोषणाबाजी केली.
सुरत न्यायालयामध्ये गुजरात येथील भाजप पक्षाचे आमदार पूर्णेश मोदी यांनी राहुल गांधी यांनी सर्व मोदी नावाच्या व्यक्तींना चोर म्हटले असा शब्दाचा अनर्थ करत राहुल गांधी यांच्यावरती खोटा गुन्हा दाखल केला. सुरत न्यायालयाने त्यांना दोन वर्षाची शिक्षा ठोठावली. परंतु अटकपूर्व जामीन देखील खासदार राहुल गांधी यांना मिळाला. खासदार राहुल गांधी यांच्या पाठीमागे संपूर्ण भारत देशांमधील युवक हा ताठ मानेने उभा आहे. त्या अनुषंगानेच शहर जिल्हा काँग्रेसतर्फे मोदी सरकारचा निषेध व्यक्त करण्यात आला. तसेच, निरव मोदी व ललित मोदी यांच्या पुतळ्याचे दहन करण्यात आले
याप्रसंगी जिल्हाध्यक्ष प्रदीप पवार, युवक काँग्रेसचे जिल्हाध्यक्ष देवेंद्र मराठे, शहराध्यक्ष श्याम तायडे, मुजीब पटेल, प्रदीप सोनवणे जगदीश गाडे, जाकीर बागवान, सुरेंद्र कोल्हे, ज्ञानेश्वर कोळी, विशाल पवार, गोकुळ चव्हाण, अमीना तडवी, सुमन मराठे, विष्णू घोडेस्वार,अशपाक पटेल आदी पदाधिकारी व कार्यकर्ते उपस्थित होते.
