जळगाव (प्रतिनिधी) – जळगाव शहरातील गेंदलाल मिल भागात काहीही कारण नसताना एका तरुणाला दोन जणांनी धारदार वस्तून वार करून गंभीर जखमी केले. तसचे खिशातील रोकड आणि सोन्याची अंगठी जबरी हिसकावून जीवेठार मारण्याची धमकी दिल्याचा प्रकार घडला आहे. याप्रकरणी सोमवारी १६ जानेवारी रोजी रात्री १० वाजता जळगाव शहर पोलीस स्टेशनला दोन जणांवर गुन्हा दाखल करण्यात आला आहे.
याबाबत मिळालेली माहितीवरून, सम्राट सुरेश सोनवणे (वय-२६, रा. गेंदालाल मिल, जळगाव) हा तरुण आपल्या परिवारासह राहायला आहे. हातमजुरी करून आपला उदरनिर्वाह करतो. शनिवारी १४ जानेवारी रोजी रात्री ११ वाजता सम्राट सोनवणे हा त्याच्या घरी असताना काहीही कारण नसताना त्याच भागात राहणारे प्रशिक प्रकाश जाधव आणि शुभम सुनील जाधव यांनी घरी येऊन सम्राटला धारदार वस्तूने वार करून गंभीर जखमी केले. तसेच त्याच्या खिशातील बाराशे रुपये रोकड आणि सोन्याची पाच ग्रॅमची अंगठी असा मुद्देमाल जबरी काढून घेत जीवेठार मारण्याची धमकी दिली. जखमी झालेल्या सम्राट सोनवणे याला जिल्हा शासकीय वैद्यकीय महाविद्यालयात दाखल करण्यात आले. सोमवारी १६ जानेवारी रोजी रात्री १० वाजता सम्राट सोनवणे यांनी दिलेल्या फिर्यादीवरून संशयित आरोपी प्रशिक प्रकाश जाधव आणि शुभम सुनील जाधव दोन्ही रा. गेंदालाल मिल, जळगाव यांच्या विरोधात जळगाव शहर पोलीस स्टेशनला गुन्हा दाखल करण्यात आला आहे. या घटनेचा पुढील तपास सहाय्यक पोलीस निरीक्षक राजेश बागुल करीत आहे.
