जळगाव (प्रतिनिधी) – जळगाव तालुक्यातील भादली बुद्रुक ग्रामपंचायत कार्यालय नजीकच्या खळ्यातून ट्रॅक्टरची ५ हजार रूपये किंमतीची बॅटरी अज्ञात चोरट्यांनी चोरून नेल्याची घटन समोर आली आहे. याप्रकरणी सोमवारी १६ जानेवारी रोजी दुपारी २ वाजता नशिराबाद पोलीस स्टेशनला अज्ञात चोरट्यांविरोधात गुन्हा दाखल करण्यात आला आहे.
याबाबत नशिराबाद पोलीसांकडून मिळालेली माहिती वरून, देविदास माधव कोल्हे (वय-३९) रा. भादली ग्रामपंचायत कार्यालयजवळ, ता.जि.जळगाव हे आपल्या परिवारासह राहायला आहे. शेतीचे काम करून आपला उदरनिर्वाह करत असतात. गावातील ग्रामपंचायत कार्यालयासमोरील मोकळ्यात जागेत त्यांचे शेतीचे अवजारे व ट्रॅक्टर लावण्यासाठी खळे तयार केले आहे. मध्यरात्री अज्ञात चोरट्यांनी ट्रॅक्टर क्रमांक (एमएच १९ डीव्ही ३९८७) उभा असतांना अज्ञात चोरट्यांनी ट्रॅक्टरची ५ हजार रूपये किंमतीची बॅटरी चोरी करून नेल्याचे सोमवारी १६ जानेवारी रोजी उघडकीला आले आहे. त्यांनी बॅटरीचा सर्वत्र शोध घेतला परंतू कुठेही काहीही माहिती न मिळल्याने अखेर दुपारी २ वाजता नशिराबाद पोलीस स्टेशनला दिलेल्या तक्रारीवरून अज्ञात चोरट्यांविरोधात गुन्हा दाखल करण्यात आला आहे. या घटनेचा पुढील तपास पोलीस हवलदार नुर खान करीत आहे.
