जळगाव ;- एमआयडीसी पोलीस स्टेशन हद्दीतील तांबापुरा परिसरातील गोरगरीब गरजुंना जीवनावश्यक वस्तूंचे आज फिजिकल डिस्टंसिंगचे पालन करीत एमआयडीसी स्टेशन ,जितो जळगाव शाखा व महाविर ज्वेलर्स यांच्या संयुक्त विद्यमाने एमआयडीसी पोलीस स्टेशनचे पोलीस निरीक्षक विनायक लोकरे यांच्या हस्ते वाटप करण्यात आले .
यावेळी महावीर ज्वेलर्सचे अजय ललवाणी,उपपोलीस निरीक्षक गणेश कोळी , सहाय्य्क फौजदार रामकृष्ण पाटील , अतुल वंजारी दर्शन टाटीया,तेजस कावडीया, सुभाष लोढा,प्रविण छाजेड, प्रविण माढोळे,अशोक सनगत,नितीन पाटील, संजय भोई,महिला पोलीस कर्मचारी मालती वाडिले,आशा पांचाळ आदी उपास्थित होते.यावेळी कीराणा साहित्याचे 35 कीटचे वाटप करण्यात आले होते . या किराणा साहित्यामध्ये गहू,तांदूळ,डाळ , तेल,साखर ,चहा ,मसाले आदी जीवनावश्यक वस्तूंचा यात समावेश होता . एमआयडीसी पोलीस स्टेशन , महावीर ज्वेलर्स आणि जितो शाखेच्या किराणा साहित्य वाटप उपक्रमाचे लाभार्थ्यांनी मनापासून आभार व्यक्त करीत समाधान मानले .
