जळगाव ( प्रतिनिधी ) – शहरात राहणाऱ्या सतरा वर्षीय अल्पवयीन मुलीचे अज्ञात व्यक्तीने अपहरण केल्याचा धक्कादायक प्रकार समोर आला आहे. याबाबत पोलीसात गुन्हा दाखल करण्यात आला आहे.
सुत्रांकडून मिळालेली माहिती अशी की, पिंप्राळा हुडकोत अल्पवयीन मुलगी कुटुंबासह राहायला आहे. मंगळवारी सकाळी साडेदहा वाजेच्या सुमारास मुलगी घरातून बाहेर पडली व कुठेतरी निघून गेली. पुन्हा घरी परत आली नाही. शोध घेवनूही मुलगी मिळून न आल्याने मुलगी बेपत्ता झाली अथवा तिला कुणी पळवून नेले, अशी तक्रार मुलीच्या वडीलांनी रामानंदनगर पोलिसात दिली आहे. याच तक्रारीवरुन अज्ञात व्यक्तीविरोधात अपहरणाचा गुन्हा दाखल झाला आहे. पुढील तपास पोलीस हेडकॉन्स्टेबल निलेश पाटील हे करीत आहेत.
