पुणे (वृत्तसंस्था ) – लहानपणापासून अत्यंत जिवलग असलेल्या दोन मैत्रिणींनी आत्महत्या करून जीवन संपविल्याची दौर्दैवि घटना पुण्यातील हडपसर परिसरात उघडकीस आली असून यातील एकीने गळफास घेऊन आत्महत्या केल्यानंतर तिचा मृतदेह रुग्णालयात आणला असता दुसऱ्या मैत्रिणीला तिने आत्महत्या केल्याचा जबर धक्का बसल्याने तिने रुग्नालयाशेजारी असलेल्या इमारतीच्या पाचव्या मजल्यावरून उडी घेत आत्महत्या केल्याची घटना उघडकीस आल्याने खळबळ उडाली आहे. एकीने गळफास घेतला आणि तिला रुग्णालयामधून घेऊन जातानाच त्याच ठिकाणी दुसरीने इमारतीच्या पाचव्या मजल्यावरून उडी मारुन आत्महत्या केली.
हडपसर येथील शेवाळवाडी मध्ये घडलेल्या या घटनेत सानिका हरिश्चंद्र भागवत (वय- १९) आणि आकांक्षा औदुंबर गायकवाड (वय- १९) अशी आत्महत्या केलेल्या दोन मैत्रिणींची नावे आहे.
काल सात वाजेच्या सुमारास सानिका हिने राहत्या घरी साडीच्या साहाय्याने गळफास लावून आत्महत्या केली. कुटुंबीयांनी तातडीने याची माहिती पोलिसांनी दिली. त्याच भागात गस्तीवर असलेल्या पोलिसांनी लगेच घटनास्थळी धाव घेतली. पोलिसांनी दरवाजा तोडून सारिकाचा मृतदेह खाली उतरवला. तिचा मृतदेह पोलीस रूग्णवाहिकेमध्ये घेऊन जात होते.
सारिकाने आत्महत्या केल्यामुळे परिसरात चर्चा सुरु असताना सैनिकाचा मृतदेह रुग्णावाहिकेमधून घेऊन जात असताना तिची मैत्रीण आकांक्षाने पहिले. आपल्या मैत्रिणीने आत्महत्या केल्याची तिला जबर धक्का बसला. त्यानंतर आकांक्षाने त्याच इमारतीचा पाचवा मजला गाठला.
पाचव्या मजल्यावरून उडी घेतली आणि ती त्या रुग्णवाहिके जवळ पडली. गंभीर जखमी झाल्याने आकांक्षाचाही मृत्यू झाला. सानिका आणि आकांशा या दोघींच्या कुटुंबीयांचा आक्रोश मन हेलावून टाकणारा होता. सानिकाने आत्महत्या का केली याचे कारण समजू शकले नाही . मात्र या घटनेमुळे दोन जिवलग मैत्रिणींनी अवघ्या तरुणपणात आपले जीवन संपविल्याने परिसरात हळहळ व्यक्त होत आहे.
