जळगाव (प्रतिनिधी) – तालुक्यातील पाचोरा शिरसोली दरम्यान दापोरा शिरसोली रेल्वे गेट जवळ सकाळी एका इसमाने मालगाडीखाली येऊन आत्महत्या केली आहे. याप्रकरणी एमआयडीसी पोलिस ठाण्यात घटनेची नोंद करण्यात आली आहे.
इरफान याकूब मणियार (वय 45, रा. हाजी अहमदनगर, अजिंठा चौक परिसर) असे मयत इसमाचे नाव आहे. गुरुवारी सकाळी एक सप्टेंबर रोजी दापोरा ते शिरसोली रेल्वे गेट जवळ खांबा क्रमांक खांबा क्रमांक ४०८ ते ४३२ दरम्यान त्यांनी भुसावळ कडून मुंबईकडे जाणाऱ्या मालगाडीखाली स्वतःला झोकून दिले. त्यात त्यांचा मृत्यू झाला.
गेटमन जालिंदर यांनी स्टेशन मास्टर यांना कळविले. त्यानंतर शिरसोली येथील पोलीस पाटील श्रीकृष्ण पाटील यांना कळविले. इरफान यांच्या जवळ असलेल्या मोबाईलवरून त्यांची ओळख पटली. त्यानंतर इरफान मणियार यांचा मृतदेह शासकीय वैद्यकीय महाविद्यालय व रुग्णालय या ठिकाणी रवाना करण्यात आला. एमआयडीसी पोलीस स्टेशनच्या कर्मचाऱ्यांनी घटनेची नोंद घेतली आहे. मयत इरफान यांच्या पश्चात दोन मुले, पत्नी, आई, मोठा भाऊ असा परिवार आहे.
