जळगाव ( प्रतिनिधी ) – कार घेण्यासाठी माहेरहून पाच लाख रूपये आणावे यासाठी पंजाबमध्ये राहणाऱ्या विवाहितेचा छळ करणाऱ्या पतीसह चार जणांवर जळगाव तालुका पोलीस ठाण्यात गुन्हा दाखल करण्यात आला आहे.
निमखेडी शिवारात राहणाऱ्या भावना रवि चौधरी (वय-२९) यांचा विवाह पंजाब राज्यातील खमाने येथील रवि प्रमोद चौधरी यांच्याशी झाला. लग्नाच्या काही महिन्यानंतर पती रवि चौधरी याने टोमणे मारणे सुरू केले. लग्नात तुझ्या वडीलांनी कार घेण्यासाठी पाच लाख रूपये दिले नाही, लग्नाच्या वेळी घरगुती वापराचे सामान दिले नाही, यावरून शिवीगाळ करणे सुरू केले. त्यानंतर सासू, नणंद आणि नंदाई यांनी तगादा लावला वडीलांची परिस्थिती हालाखीची असल्याने पुर्तता करून शकत नाही, असे सांगितल्यावर पती रवि चौधरी याने विवाहितेला मारहाण करून जीवे ठार मारण्याची धमकी दिली. हा प्रकार विवाहितेला सहन न झाल्याने माहेरी निघून आल्या. विवाहितेने जळगाव तालुका पोलीस ठाण्यात पतीसह सासरच्या मंडळींविरोधात तक्रार दिली. त्यांच्या तक्रारीवरून तालुका पोलीस ठाण्यात पती रवि चौधरी, सासू अंजली चौधरी, नणंद प्रिती चौधरी, नंदोई प्रकाश चौधरी दोन्ही ( रा. नवागाम दिंडोली जि. सुरत गुजराथ ) यांच्या विरोधात गुन्हा दाखल करण्यात आला आहे. पुढील तपास पो ना नरेंद्र पाटील करीत आहेत.
