जळगाव (प्रतिनिधी) – कोरोना व्हायरसच्या पार्श्वभूमीवर सर्वत्र लॉक डाऊन झाल्याने आज एक महिला तिच्या दोन मुलांसोबत एमआयडीसी पोलीस स्टेशनला येऊन मूळगावी नंदुरबार परत जाण्यासाठी परवानगी मागत होती.त्या महिलेची सर्व हकीकत ऐकल्यावर पोलीस निरीक्षक रणजित शिरसाठ यांनी मदत करून खाकीतील माणुसकीचे दर्शन घडवून दिले.
याबाबत सविस्तर असे की शहरात आज दिनांक 30 रोजी MIDC पो. स्टे. प्रभारी अधिकारी पो. नि. रणजीत शिरसाठ हजर असताना सौ. मोगरा राजा तडवी रा.रामेश्वर कॉलनी जळगाव ह्या त्यांच्या दोन मुलींना घेऊन पोलीस स्टेशनला येऊन आपली हकीकत सांगताना म्हणाली की मी कॉम्प्युटर क्लासेस साठी नंदुरबार येथून आले असून त्यांना गावी जाने करिता पास बनवून देण्याची विनंती केली. परंतु सर्वत्र लॉक डाऊन असल्याने पोलिसांनी तुम्ही कोठेच जाऊ शकत नाही असे सांगितले असता तेव्हा त्या महिलेला रडू कोसळले व आमच्या कडे घर भाडे दयायला पण पैसे नाही व आमचा घरातील खाण्या पिण्याचे अन्न देखील संपले आहे. आमचे घरदार येथे नाही गरिबीची परिस्थिती आहे, खर्चाला देखील पैसे नाही असे सांगितल्याने पो.नि. रणजित शिरसाठ यांनी स्वतः घरभाड्याचे 2000/- रुपये रोख व गृह उपयोगी अन्नधान्य दिले व त्यांना मानसिक आधार देऊन थांबनेसाठी प्रवृत्त केले. यामुळे खाकीतील माणुसकीचे दर्शन जळगावात पाहायला मिळाले. यावेळी गोपनीय शाखेचे ललित गवळे व महिला पोलीस कर्मचारी मंगला तायडे यादेखील उपस्थित होते.