सोन्याचे दागिने, चांदीचे दागिने व रोख रक्कम चोरीला; अज्ञात चोरट्याविरुद्ध गुन्हा दाखल
पाचोरा ( प्रतिनिधी ) – पिंपळगाव हरेश्वर पोलीस ठाण्याच्या हद्दीत लोहार ता. पाचोरा येथील एका घरात अज्ञात चोरट्याने घरफोडी करून सोन्या-चांदीच्या दागिन्यांसह रोख रक्कम असा एकूण १ लाख ६३ हजार ५०० रुपयांचा मुद्देमाल चोरून नेल्याची घटना समोर आली आहे.
पोलिसांनी दिलेल्या माहितीनुसार, फिर्यादी जलीम अहमद सुभान गनी शेख (वय ५०, रा. लोहार, ता. पाचोरा, जि. जळगाव) यांच्या राहत्या घरात २५ सप्टेंबर २०२६ रोजी रात्री १२.१५ ते पहाटे ५ वाजेच्या सुमारास अज्ञात चोरट्याने प्रवेश केला.
चोरट्याने घरातील सोन्या-चांदीचे दागिने तसेच रोख रक्कम लंपास केली. चोरीस गेलेल्या मुद्देमालामध्ये २१ हजार रुपये किमतीचा १४ ग्रॅम वजनाचा सोन्याचा राणीहार, १५ हजार रुपये किमतीचा १० ग्रॅम वजनाचा सोन्याचा साधा हार, २ हजार रुपये किमतीची २.५ ग्रॅम वजनाची सोन्याची अंगठी, तसेच सुमारे १ हजार रुपये किमतीचे चांदीचे कडे, चांदीची चैन, चांदीची बांगडी व चांदीची अंगठी यांचा समावेश आहे.
याशिवाय शेतीमाल विक्रीतून ठेवलेली १ लाख २४ हजार ५०० रुपयांची रोख रक्कम, ज्यामध्ये ५०० रुपयांच्या चलनी नोटांचा समावेश आहे, अशी माहिती तक्रारीत नमूद करण्यात आली आहे. अशाप्रकारे एकूण १ लाख ६३ हजार ५०० रुपयांचा मुद्देमाल चोरीस गेला.
अज्ञात चोरट्याविरुद्ध गुन्हा दाखल
या प्रकरणी फिर्यादीच्या तक्रारीवरून पिंपळगाव हरेश्वर पोलीस ठाण्यात गुन्हा रजिस्टर क्रमांक ४३९/२०२६ नुसार भारतीय न्याय संहितेच्या कलम ३०५(अ), ३३१(४) अन्वये घरफोडी व चोरीचा गुन्हा दाखल करण्यात आला आहे.
फिर्यादीच्या घरातील मौल्यवान दागिने व रोख रक्कम अज्ञात चोरट्याने लबाडीच्या इराद्याने चोरून नेल्याचे तक्रारीत नमूद आहे.
चोरट्याचा शोध सुरू
घटनेची माहिती मिळताच पिंपळगाव हरेश्वर पोलिसांनी तपास सुरू केला असून, अज्ञात चोरट्याचा शोध घेण्यात येत आहे. या गुन्ह्याचा तपास पोलीस उपनिरीक्षक राजू सांगळे करीत आहेत.
पोलिसांनी दिलेल्या माहितीनुसार, फिर्यादी जलीम अहमद सुभान गनी शेख (वय ५०, रा. लोहार, ता. पाचोरा, जि. जळगाव) यांच्या राहत्या घरात २५ सप्टेंबर २०२६ रोजी रात्री १२.१५ ते पहाटे ५ वाजेच्या सुमारास अज्ञात चोरट्याने प्रवेश केला.
चोरट्याने घरातील सोन्या-चांदीचे दागिने तसेच रोख रक्कम लंपास केली. चोरीस गेलेल्या मुद्देमालामध्ये २१ हजार रुपये किमतीचा १४ ग्रॅम वजनाचा सोन्याचा राणीहार, १५ हजार रुपये किमतीचा १० ग्रॅम वजनाचा सोन्याचा साधा हार, २ हजार रुपये किमतीची २.५ ग्रॅम वजनाची सोन्याची अंगठी, तसेच सुमारे १ हजार रुपये किमतीचे चांदीचे कडे, चांदीची चैन, चांदीची बांगडी व चांदीची अंगठी यांचा समावेश आहे.
याशिवाय शेतीमाल विक्रीतून ठेवलेली १ लाख २४ हजार ५०० रुपयांची रोख रक्कम, ज्यामध्ये ५०० रुपयांच्या चलनी नोटांचा समावेश आहे, अशी माहिती तक्रारीत नमूद करण्यात आली आहे. अशाप्रकारे एकूण १ लाख ६३ हजार ५०० रुपयांचा मुद्देमाल चोरीस गेला.
अज्ञात चोरट्याविरुद्ध गुन्हा दाखल
या प्रकरणी फिर्यादीच्या तक्रारीवरून पिंपळगाव हरेश्वर पोलीस ठाण्यात गुन्हा रजिस्टर क्रमांक ४३९/२०२६ नुसार भारतीय न्याय संहितेच्या कलम ३०५(अ), ३३१(४) अन्वये घरफोडी व चोरीचा गुन्हा दाखल करण्यात आला आहे.
फिर्यादीच्या घरातील मौल्यवान दागिने व रोख रक्कम अज्ञात चोरट्याने लबाडीच्या इराद्याने चोरून नेल्याचे तक्रारीत नमूद आहे.
चोरट्याचा शोध सुरू
घटनेची माहिती मिळताच पिंपळगाव हरेश्वर पोलिसांनी तपास सुरू केला असून, अज्ञात चोरट्याचा शोध घेण्यात येत आहे. या गुन्ह्याचा तपास पोलीस उपनिरीक्षक राजू सांगळे करीत आहेत.
