एका विरुद्ध एमआयडीसी पोलीस स्टेशनला गुन्हा दाखल
जळगाव (प्रतिनिधी):- एमआयडीसी पोलीस ठाणे हद्दीतील विनायक नगर परिसरात तरुणावर धारदार वस्तूने हल्ला करून दुखापत केल्याची घटना १० रोजी घडली आहे. याप्रकरणी एकाविरुद्ध गुन्हा दाखल करण्यात आला आहे.
फिर्यादी तुषार हरिचंद्र नवले (वय २४) यांनी दिलेल्या तक्रारीनुसार, आरोपी चेतन सोनवणे याने शिवीगाळ करत मारहाण केली. फिर्यादीची आई मध्ये पडताच तिलाही शिवीगाळ करण्यात आली. त्यानंतर आरोपीने धारदार वस्तूने हल्ला करून दुखापत केल्याचे तक्रारीत म्हटले आहे.
ही घटना १० मे रोजी रात्री घडली. एमआयडीसी पोलीस ठाण्यात संबंधित कलमान्वये गुन्हा दाखल करण्यात आला असून पुढील तपास पोहेकाॅ. किशोर निकुंभ करीत आहेत.
