जळगाव पोलीस दलाची मान उंचावली!
जळगाव (प्रतिनिधी):- महाराष्ट्र पोलीस दलात उत्कृष्ट सेवा, कर्तव्यदक्षता आणि गुणवत्तापूर्ण कामगिरी बजावणाऱ्या पोलीस अधिकारी व अंमलदारांना देण्यात येणारे मानाचे ‘पोलीस महासंचालक सन्मानचिन्ह-२०२५’ नुकतेच घोषित करण्यात आले आहे. या प्रतिष्ठेच्या पुरस्कारांच्या यादीत जळगाव जिल्हा पोलीस दलातील एकूण २८ जणांनी (०५ अधिकारी आणि २३ अंमलदार) आपल्या उल्लेखनीय कामगिरीने मोहोर उमटवली आहे.
महाराष्ट्र राज्याचे पोलीस महासंचालक सदानंद दाते यांच्या आदेशान्वये या पुरस्कारांचे वितरण करण्यात आले आहे. जळगाव जिल्ह्यातील या अधिकारी व कर्मचाऱ्यांनी त्यांच्या सेवाकाळात बजावलेल्या उत्कृष्ट सेवेबद्दल त्यांना या गौरवाने सन्मानित करण्यात आले आहे. या संदर्भातील अधिकृत आदेश दि. २९ एप्रिल रोजी निर्गमित करण्यात आले.
पुरस्कारप्राप्त अधिकारी व अंमलदारांची यादी
अधिकारी वर्ग:
अण्णासाहेब बाळासाहेब घोलप (पोलीस उप अधीक्षक, चोपडा उपविभाग)
विठ्ठल शंकर फुसे (पोलीस उप निरीक्षक, श्वान पथक जळगाव)
रविंद्र सर्जेराव गायकवाड (पोलीस उप निरीक्षक)
भरतसिंग प्रल्हादसिंग पाटील (श्रे. पोलीस उप निरीक्षक, जळगाव शहर पो.स्टे.)
सखारात छबुराव सकट (श्रे. पोलीस उप निरीक्षक, बॅन्ड पथक जळगाव)
प्रमुख अंमलदार
सहा. पो. उपनिरीक्षक: दिलीप जाधव, शामकांत सोनवणे, मिनाक्षी सावळे (जि.वि.शा.), सलीमखान बशारत खान, अफजलखान युसूफ खान, अनिल चौधरी (भुसावळ उपविभाग).
पोलीस हवालदार: नितीन बाविस्कर, संदिप पाटील, अकरम शेख (LCB), अशोक अहिरे, किरण धमके, विद्या पाटील, विजय नेरकर, संदिप भिकन पाटील, राहुल सोनवणे, सुरज पाटील, विजय गोरखनाथ पाटील, इरफान मलीक.
पोलीस नाईक: अश्विन हडपे, अतुल चौधरी, सचिन सोनवणे, संदिप नन्नवरे.
जळगाव पोलीस दलाला मिळालेल्या या यशामुळे जिल्ह्याच्या पोलीस प्रशासनाचा गौरव वाढला आहे. जळगाव जिल्ह्याचे पोलीस अधीक्षक श्रीकांत धिवरे यांनी सन्मानचिन्ह प्राप्त झालेल्या सर्व अधिकारी व अंमलदारांचे अभिनंदन केले असून त्यांना पुढील वाटचालीस शुभेच्छा दिल्या आहेत. या कामगिरीबद्दल संपूर्ण जिल्ह्यात पोलीस दलात आनंदाचे वातावरण पसरले आहे.
