दिवंगत उपमुख्यमंत्री अजितदादा पवार यांच्या निधनानंतर घटनास्थळीही भेट
जळगाव प्रतिनिधी – दिवंगत उपमुख्यमंत्री अजितदादा पवार यांचेवर काल अंत्यसंस्कार करण्यात आलेत. बारामतीतील विद्या प्रतिष्ठान येथे आज सकाळी त्यांच्या अस्थि संचयनाचा विधी पार पडला त्यावेळी शरद पवार साहेबांसह संपूर्ण पवार कुटुंबियांसोबत माजी मंत्री आ.एकनाथराव खडसे यांनी उपस्थित राहुन दादांच्या अस्थिंचे दर्शन घेऊन त्यांना भावपूर्ण श्रद्धांजली अर्पण केली. तसेच आ खडसे यांनी शरद पवार साहेबांसह, सुप्रियाताई सुळे, पार्थ पवार, जय पवार यांचे सांत्वन करत ध्येय देण्याचा प्रयत्न केला.
यावेळी श्री सदानंद सुळे, आ. रोहित आर पाटील यांची उपस्थिती होती. तसेच आ. खडसेंसोबत जळगाव जिल्ह्यातील बोदवड पंचायत समितीचे माजी सभापती गणेश पाटील, मार्केट कमिटी संचालक ज्ञानेश्वर पाटील, शिरसाळा सरपंच प्रवीण पाटील, , मानमोडीचे सतीश पाटील, राष्ट्रवादी काँग्रेस पार्टी बोदवड तालुकाध्यक्ष आबासाहेब पाटील, डॉ. अभिषेक ठाकूर, गजानन पाटील, सुरवाडा येथील निलेश गावंडे, दिलीप पौड, पवन विलास देवकर, दीपक काजळे आदी उपस्थित होते.
तसेच विद्या प्रतिष्ठान येथून खडसेंनी थेट अपघात स्थळी जाऊन नेमकी एवढी मोठी दुर्घटना कशी घडली हे जाणून घेण्यासाठी बारामती विमानतळाच्या धावपट्टी नजीक च असलेल्या अपघात स्थळाची पाहणी करून उपस्थित अधिकारी व प्रत्यक्षदर्शींकडून घडलेल्या दुर्दैवी घटनेची माहिती जाणून घेतली. त्याठिकाणी असलेला अजितदादा यांच्या फाईल्स व कागदाचा खच बघून खडसे भावूक झालेत.
