६.२१ लाखांचा मुद्देमाल हस्तगत, तिघांना अटक
जळगाव प्रतिनिधी : शहरातील शिवराम नगर येथील माजी मंत्री आणि आमदार एकनाथराव खडसे यांच्या ‘मुक्ताई’ निवासस्थानी झालेल्या सनसनाटी घरफोडीच्या गुन्ह्याचा यशस्वीरित्या छडा लावण्यात जळगाव पोलिसांना मोठे यश मिळाले आहे. रामानंद नगर पोलीस स्टेशन आणि स्थानिक गुन्हे शाखेच्या संयुक्त पथकाने कारवाई करत चोरीला गेलेला ₹६ लाख २१ हजार किमतीचा मुद्देमाल हस्तगत केला असून, या प्रकरणी तीन आरोपींना अटक करण्यात आली आहे.
नेमका गुन्हा काय होता?
२७ ते २८ ऑक्टोबर २०२५ दरम्यान अज्ञात चोरट्यांनी बंद घराचा कडी-कोंडा तोडून ही घरफोडी केली होती. चोरी गेलेला मुद्देमाल: एकूण ₹६,७०,०००/- रुपये किमतीचे सोने-चांदीचे दागिने, चांदीची गदा, त्रिशूल, तलवार, रथ आणि रोख रक्कम चोरी झाली होती. घराची देखभाल करणारे चेतन सुरेश देशमुख यांनी रामानंद नगर पोलीस स्टेशनमध्ये तक्रार दाखल केली होती.
तपास आणि आरोपींना अटक
पोलिसांनी अत्यंत गोपनीय पद्धतीने तपास सुरू केला. पोलीस अधीक्षक महेश्वर रेडडी यांच्या मार्गदर्शनाखाली पोलीस निरीक्षक राजेंद्र गुंजाळ (रामानंद नगर) आणि पोलीस निरीक्षक राहुल गायकवाड (स्थानिक गुन्हे शाखा) यांच्या पथकांनी तत्परता दाखवली. पहिला धागा: पोलिसांनी चोरट्यांनी वापरलेली दुचाकी शोधून काढली. वाहन मालक जियाउददीन हुस्नोददीन शेख (वय-३९, रा. मास्टर कॉलनी, जळगाव) याला चौकशीसाठी ताब्यात घेण्यात आले. आरोपी क्र. १: जियाउददीनने मुंबईतील आपल्या तीन नातेवाईकांनी गुन्हा केल्याची माहिती दिली. गुन्ह्यात मदत केल्याप्रकरणी त्याला ३० ऑक्टोबर २०२५ रोजी अटक करण्यात आली. चोरीचा मुद्देमाल उल्हासनगर येथील एका सोनाराकडे विक्री झाल्याची माहिती मिळाली. पोलिसांनी चिराग इकबाल सैय्यद (वय-२२, रा. उल्हासनगर) याला ताब्यात घेतले.
आरोपी क्र. २ व ३: विक्री केलेला मुद्देमाल कल्याण येथील सोनार कैलास हिराचंद खंडेलवार (वय-४८, रा. कल्याण) याच्याकडून जप्त करण्यात आला. चिराग सैय्यद आणि सोनार कैलास खंडेलवार या दोघांनाही ०३ नोव्हेंबर २०२५ रोजी अटक करण्यात आली. अटक केलेल्या आरोपींकडून पोलिसांनी खालीलप्रमाणे ₹६,२१,०००/- किमतीचा मुद्देमाल जप्त केला आहे:
