जळगावात तिघांवर गुन्हा दाखल
जळगाव (प्रतिनिधी) :- शहरातील गोलाणी मार्केटमधील आर.एम.मोबाईल दुकानाजवळ जुन्या भांडणाच्या कारणावरून दोन तरूणांना तीन जणांनी शिवीगाळ करत लाथाबुक्क्यांनी बेदम मारहाण केल्याची घटना सोमवारी ९ जून रोजी दुपारी साडेचार वाजता घडली. याप्रकरणी मंगळवारी १० जून रोजी मारहाण करणाऱ्या तिघांविरोधात शहर पोलीस ठाण्यात गुन्हा दाखल करण्यात आला आहे.
शेख शरीफ शेख रफीक (वय २६ रा. तांबापूरा, जळगाव) हा तरूण त्यांचा मित्र सद्दाम फारूख मन्यार (वय ३२ रा. भडगाव) यांच्यासोबत त्याचा मोबाईल दुरूस्त करण्यासाठी सोमवारी ९ जून रोजी दुपारी साडेचार वाजेच्या सुमारास गोलाणी मार्केट येथे आलेला होता. त्यावेळी शेख शरीफ याचे काही तरूणांसोबत काही वाद झाला. या वादातून दिनेश, अर्जून आणि फ्रुटवाला गवळी (पुर्ण नाव माहीत नाही) (सर्व रा. जळगाव) या तीन जणांनी शिवीगाळ करत शेख शरीफ आणि त्याचा मित्र सद्दाम या दोघांना लाथाबुक्क्यांनी बेदम मारहाण केली. याप्रकरणी शहर पोलीस ठाण्यात तक्रार देण्यात आली. त्यानुसार मंगळवारी १० जून रोजी मध्यरात्री १ वाजता मारहाण करणाऱ्या तिघांविरोधात शहर पोलीस ठाण्यात गुन्हा दाखल करण्यात आला आहे. पुढील तपास पोहेकॉ प्रकाश पाटील हे करीत आहेत.
