धरणगाव तालुक्यातील चमगाव येथील घटना
जळगाव (प्रतिनिधी) :- धरणगाव तालुक्यातील चमगाव येथील शेतकऱ्याने कर्जबाजारीपणाला कंटाळून विषारी औषध घेऊन आत्महत्या करण्याचा प्रयत्न केला होता. त्यांचा उपचारादरम्यान मृत्यू झाल्याची घटना मंगळवारी दि. २० मे रोजी दुपारी साडेतीन वाजता घडली आहे. याप्रकरणी पोलीस स्टेशनला अकस्मात मृत्यूची नोंद करण्यात आली आहे.
धनराज योगराज सावंत (पाटील,वय ४९, रा. चमगाव ता. धरणगाव) असे मयत शेतकऱ्याचे नाव आहे. ते गावात पत्नी, मुलगा, सून, मुलगी, जावई यांच्यासह राहत होते. शेतीकाम करून ते परिवाराचा उदरनिर्वाह करीत होते.(केसीएन)दरम्यान, धनराज सावंत यांच्यावर वि. का. सो. चे कर्ज होते. ते कसे फेडावे या विवंचनेत ते राहत होते. यातूनच त्यांनी सोमवारी दि. १९ मे रोजी संध्याकाळी शेतात विषारी औषध घेऊन आत्महत्या करण्याचा प्रयत्न केला.
कुटुंबीयांनी त्यांना उपचारासाठी जळगाव येथे शासकीय वैद्यकीय महाविद्यालय व रुग्णालयात दाखल केले होते. अतिदक्षता विभागात उपचार सुरु असताना मंगळवारी दि. २० मे रोजी धनराज सावंत यांचा उपचारादरम्यान मृत्यू झाला.(केसीएन)यावेळी कुटुंबीयांनी एकच आक्रोश केला. घटनेची पोलीस स्टेशनला अकस्मात मृत्यूची नोंद करण्याचे काम सुरु होते. शेतकऱ्याच्या मृत्यूमुळे चमगाव येथे शोककळा पसरली आहे.
