शिरसोली (वार्ताहर) : येथील बारी समाज माध्यमिक व उच्च माध्यमिक विद्यालयात आज गुरुवारी कविवर्य वि.वा.शिरवाडकर यांच्या जयंतीनिमित्त मराठी भाषा गौरव दिन साजरा करण्यात आला.
कार्यक्रमाच्या अध्यक्षस्थानी विद्यालयाचे मुख्याध्यापक राजेंद्र आंबटकर उपस्थित होते. तर प्रमुख अतिथी पर्यवेक्षक रामकृष्ण पाटील हे होते. मंचावर उपस्थित मान्यवरांच्या हस्ते प्रतिमेचे पूजन करण्यात आले. नंदा अकोले यांनी कुसुमाग्रज यांच्याबद्दल सखोल माहिती सांगितली. रामकृष्ण पाटील यांनी मनोगत व्यक्त केले. विद्यालयाचे मुख्याध्यापक राजेंद्र आंबटकर यांनी अध्यक्षीय भाषण केले. विद्यालयातील विद्यार्थ्यांनी देखील मनोगत व्यक्त केले. नेत्रा वाणी यांनी प्रास्ताविक व सूत्रसंचालन केले. तर घनश्याम काळे यांनी आभार मानले.
