जळगाव ( प्रतिनिधी ) – युवासेनेच्या पदाधिकाऱ्यांनी नुकतीच पालकमंत्री गुलाबराव पाटील यांची भेट घेतली. यावेळी संघटनवाढीसाठीच्या वाटचालीविषयी पालकमंत्र्यांनी मार्गदर्शन केले. त्यांच्या कार्यकर्ता काळातील किस्से व अनुभव युवासैनिकांना आवर्जून सांगितले. पक्ष वाढीसाठी झोकून देत निस्वार्थपणे कार्य करा, मी पाठीशी आहे असा विश्वास गुलाबराव पाटील यांनी युवासैनिकांना दिला.
युवासेना करीत असलेले कार्य उल्लेखनीय आहे. अविरतपणे, चिकाटीने काम करीत नवीन समविचारी, राष्ट्रसेवेच्या भावनेने ओतप्रोत युवकांना सोबत जोडून युवासेना जळगाव जिल्ह्यातील कान्या-कोपऱ्या पर्यंत पोहोचवा अशे सूचक विधान त्यांनी केले.
या वेळी युवासेना राज्याचे सहसचिव विराज कावडीया, महानगर युवाधिकारी स्वप्नील परदेशी, विशाल वाणी, उपमहानगर अधिकारी सचिन हिवराळे, हितेश ठाकरे, यश सपकाळे, समन्वयक संकेत कापसे, विद्यापीठ अधिकारी अंकित कासार, युवती अधिकारी वैष्णवी खैरनार, जया थोरात, विभाग अधिकारी चेतन कापसे, तेजस दुसाने, अमित जगताप, शंतनु नारखेडे, प्रीतम शिंदे आदी उपस्थित होते.
