जळगाव ( प्रतिनिधी ) – अँड्रॉईड मोबाईलवर लिंक पाठवून गिफ्ट मिळेल असे सांगण्यात आल्याने दिलेल्या लिंकवर क्लिक करताच दोन जणांच्या बँक खात्यातून पैसे ट्रान्सफर झाल्याचे उघडकीला आले शनीपेठ पोलीसात वेगवेगळे दोन गुन्हे दाखल करण्यात आले आहे.
राहुल महाजन यांनी दिलेल्या तक्रारीनुसार, ३० एप्रिलरोजी दुपारी त्याचे वडील प्रमोद महाजन यांच्या मोबाईलवर २९५३७२३८५ या क्रमांकावरून अनोळखी व्यक्तीचा फोन आला. फोनवर प्रमोद महाजन यांना समोरील व्यक्तीने तुम्हाला गीफ्ट मिळणार आहे. लिंक पाठवतो. त्या लिंकवर क्लिक करून गिफ्ट मिळेल, असे सांगितले. प्रमोद महाजन यांनी लिंकवर क्लिक करताच त्यांच्या बँक ऑफ बडोदा शाखेच्या खात्यातून २६ हजार रुपये ऑनलाईन पध्दतीने दुसऱ्या खात्यात वळते झाले. फसवणूक झाल्याचे लक्षात येताच शनिपेठ पोलीस स्थानकात अज्ञात व्यक्तीविरुद्ध गुन्हा दाखल करण्यात आला
दुसऱ्या घटनेत लक्ष्मी राखोंडे यांची ऑनलाईन फसवणूक झाली आहे. त्या ३० एप्रिलरोजी घरी असताना त्यांना ७०९३६९८७३९ या क्रमांकावरून फोन आला. सौ. राखोंडे यांनी फोन उचल्यावर त्यांना समोरील अज्ञात व्यक्तीने सांगितले की, तुमचे लक्ष्मी किराणा दुकान असून तुम्हाला बिजनेस फोन-पेवर गीफ्ट मिळालेले आहे. मी तुम्हाला पाठवलेल्या लिंकवर क्लिक करा. सौ. राखोंडे यांनी लिंकवर क्लिक करताच त्यांची कोटक महेंन्दा कंपनीचे वीजा कार्ड व खात्यातून ३७ हजार ४९५ रुपये ऑनलाईन ट्रान्सफर करून घेत फोनवर बोलणाऱ्याने ऑनलाइन फसवणूक केली. याप्रकरणीदेखील शनिपेठ पोलीस ठाण्यात अज्ञात व्यक्तीविरुद्ध गुन्हा दाखल करण्यात आला या दोन्ही गुन्ह्यांचा तपास पोलीस उप निरीक्षक सुरेश सपकाळे हे करीत आहेत.
