यावल येथे ११ वर्षीय मुलीचा विनयभंग; नराधमाविरुद्ध पोक्सोअन्तर्गत गुन्हा दाखल
यावल (विशेष प्रतिनिधी): यावल शहरातील डांगपुरा भागात एका ११ वर्षीय अल्पवयीन मुलीचा विनयभंग करून तिला चाकूचा धाक दाखवल्याची अत्यंत गंभीर घटना उघडकीस आली आहे. मुलीचे वडील ) यांनी दिलेल्या फिर्यादीनुसार, ७ ऑगस्ट २०२६ रोजी रात्री ७:३० वाजेच्या सुमारास त्यांची ११ वर्षांची मुलगी येथील तिच्या आजीच्या घरी गेली असता, तेथे शेजारी राहणारा आरोपी शेख इम्रान शेख सुभान (वय ३५, रा .यावल) याने मुलीसमोर उभे राहून लज्जास्पद वर्तन केले, तसेच त्याच्या मोबाईलवर अश्लील व्हिडिओ चालू करून मुलीला दाखवले. इतकेच नव्हे तर आरोपीने मुलीला चाकू दाखवून धाक दाखवला व तिच्या शाळेतही तिचा पाठलाग केला. या प्रकरणी पीडितेच्या वडिलांच्या फिर्यादीवरून ८ ऑगस्ट २०२६ रोजी मध्यरात्री १२:१५ वाजता यावल पोलीस ठाण्यात आरोपी शेख इम्रान याच्याविरुद्ध भारतीय न्याय संहिता (BNS) कलम ७५(१)(एक), ७५(१)(तीन), ७५(२), ७८(१)(एक), ७९ सह पोक्सो (POCSO) कायदा कलम ११(i), ११(iii), ११(iv) व १२ अन्वये गुन्हा दाखल करण्यात आला आहे (गुन्हा रजि. नं. २९१/२०२६). पोलीस निरीक्षक रंगनाथ धारबळे यांच्या मार्गदर्शनाखाली पोलीस उपनिरीक्षक अनिल महाजन या प्रकरणाचा पुढील तपास करत आहेत.
