जळगावातील घटना ; दोघांवर गुन्हा दाखल
जळगाव (प्रतिनिधी) : शहरानजीक असलेल्या खेडी शिवारात एका महिलेच्या घरात घुसून अश्लिल शिवीगाळ करत संशयितांनी विनयभंग केला तर महिलेच्या पतीसोबत धक्काबुक्की केल्याचा प्रकार समोर आला आहे. याप्रकरणी एमआयडीसी पोलीस ठाण्यात शनिवारी १२ ऑक्टोबर रोजी दोन जणांविरोधात गुन्हा दाखल करण्यात आला आहे.
शहराजवळील खेडी शिवारात ४० वर्षीय महिला गुरूवारी १० ऑक्टोबर रोजी दुपारी ३ वाजेच्या सुमारास पती सोबत घरी असतांना संशयित आरोपी रविंद्र उर्फ गोलू भागवत चौधरी आणि चेतन प्रदीप गाजरे (रा.खिरोदा ता.रावेर) या दोघांनी महिलेच्या घरात अनधिकृतपणे प्रवेश करत महिलेचा हात पकडून विनयभंग केला. नंतर तिच्या पतीला धक्काबुक्की केली. या प्रकरणी महिलेने पोलीस ठाण्यात धाव घेवून तक्रार दिली. महिलेच्या फिर्यादीवरून शनिवारी १२ ऑक्टोबर रोजी दुपारी ३ वाजता संशयित आरोपी रविंद्र उर्फ गोलू भागवत चौधरी आणि चेतन प्रदीप गाजरे यांच्या विरोधात गुन्हा दाखल करण्यात आला. पुढील तपास पोहेकॉ किरण पाटील हे करीत आहे.
