सावदा (प्रतिनिधी) – रावेर तालुक्यातील वाघोदा बुद्रुक येथे वीज बिल वसुलीसाठी गेलेल्या महिला वायरमनला एका स्त्रीने मारहाण केल्याची धक्कादायक घटना घडली असून या प्रकरणी गुन्हा दाखल करण्यात आला आहे.
सविता विलास बोंडे या वीज वितरण कंपनीत वरिष्ठ तंत्रज्ञ (वायरमन) म्हणून कार्यरत आहेत. त्या काल रावेर तालुक्यातील वाघोदा बुद्रुक येथील गयाबाई बन्सी वाघ या महिलेचे थकीत असलेले वीज बिल वसुल करण्यासाठी आपल्या सहकार्यांसोबत गेल्या होत्या. त्या महिलेने बील न दिल्यामुळे या पथकाने तिची वीज जोडणी कट करण्याचे ठरविले. याप्रसंगी गयाबाई वाघ यांनी सविता बोंडे यांना चापट-बुक्कयांनी मारहाण केली. यासोबत शिवीगाळ करत धमकावले.
या प्रकरणी सविता बोंडे यांनी सावदा पोलीस स्थानकात फिर्याद दिल्यानुसार गयाबाई बन्सी वाघ यांच्या विरोधात भादंवि कलम ३५३, ३३२, ५०४, ५०६ अन्वये गुन्हा दाखल करण्यात आला आहे.पुढील तपास डीवायएसपी यांच्या मार्गदर्शनाखाली सहायक पोलीस निरिक्षक देविदास इंगोले, उपनिरिक्षक आर.डी. पवार, हेड कॉन्स्टेबल विनोद बळीराम पाटील व हेमराज भावसार हे करीत आहेत.
