जामनेर तालुक्यात चिंचखेडा (तपोवन) येथील घटना
जामनेर (प्रतिनिधी) :- तालुक्यातील चिंचखेडा (तपोवन) येथील एका २२ वर्षीय उच्चशिक्षित तरुणाने स्वतःच्या शेतातच झाडाला गळफास लावून घेऊन आत्महत्या केल्याची धक्कादायक घटना आज दि. २५ रोजी सकाळी उघडकीस आली आहे. याप्रकरणी जामनेर पोलीस स्टेशनला अकस्मात मृत्यूची नोंद करण्यात आली आहे.
शेखर श्रीराम पाटील (वय २२ वर्षे) असे मयत तरुणाचे नाव आहे. तो बीएससी शिक्षण पूर्ण करून शेती करीत होता. शेखरच्या कुटुंबात आईवडील आणि विवाहित बहिण असा परिवार असून शेखर हा अभ्यासू व शांत स्वभावाचा म्हणुन त्याची ओळख होती. आज शनिवारी सकाळी तो शेतात गेला. परंतु काही वेळाने त्याने शेतातच झाडाला गळफास घेऊन आत्महत्या केल्याचे उघड झाले. घटनेची माहिती मिळताच शेखर पाटील याच्या नातलगांनी घटनास्थळी धाव घेतली. शेखरचा मृतदेह पाहताच त्यांनी तात्काळ पोलिसांना याची खबर दिली. पोलीसांनी घटनास्थळाचा पंचनामा करून मृतदेह उप आरोग्य रुग्णालय जामनेर येथे शवविच्छेदनासाठी दाखल करण्यात आला.आत्महत्येचे नेेमके कारण अद्याप समजू शकले नाही. गावात शोककळा पसरली असून जामनेर पोलीस स्टेशनचे पोलीस पुढील तपास करीत आहे.
