स्पंदन २०२६ युवा महोत्सवात गोदावरी कॉलेज ऑफ नर्सिंगच्या विद्यार्थ्यांचे घवघवीत यश

जळगाव (प्रतिनिधी):- दि. २३ ते २४ एप्रिल २०२६ दरम्यान महाराष्ट्र आरोग्य विज्ञान विद्यापीठ, नाशिक यांच्या वतीने आयोजित राज्यस्तरीय सांस्कृतिक युवा महोत्सव स्पंदन २०२६ मध्ये गोदावरी कॉलेज ऑफ नर्सिंग, जळगाव येथील विद्यार्थ्यांनी विविध स्पर्धांमध्ये उल्लेखनीय यश संपादन करत महाविद्यालयाच्या नावात मानाचा तुरा रोवला.
स्पॉट पेंटिंग स्पर्धा (बीएस्सी नर्सिग ८ वे सत्र)ऋतु भिलावेकर  द्वितीय क्रमांक पटकावला, कार्टूनिंग स्पर्धा वैष्णवी वाघमारे (बीएस्सी नर्सिग ७ वे सत्र) तृतीय क्रमांक,रांगोळी स्पर्धा रजनींदिनी चव्हाण (बीएस्सी नर्सिग ८ वे सत्र) द्वितीय क्रमांक मिळवला, स्पॉट फोटोग्राफी स्पर्धा दिग्विजय बडे (बीएस्सी नर्सिग ७ वे सत्र)तृतीय क्रमांक प्राप्त केला. इन्स्टॉलेशन स्पर्धा (समूह सहभाग) बीएस्सी नर्सिग ७ व ८ सत्र च्या विद्यार्थ्यांनी एकत्रितपणे द्वितीय क्रमांक मिळवत ट्रॉफीवर आपले नाव कोरले.या गटामध्ये समीक्षा जवाडे,कल्याणी शहाणे,नम्रता घोडमारे आणि विकास जाधव यांचा समावेश होता. या उल्लेखनीय यशाबद्दल संस्थेचे अध्यक्ष डॉ. उल्हास पाटील, प्राचार्य डॉ. विशाखा गणवीर, उपप्राचार्य जस्मित दया, प्रशासकीय अधिकारी प्रवीण कोल्हे तसेच सर्व शिक्षकवृंद यांनी विद्यार्थ्यांचे अभिनंदन करून त्यांच्या पुढील वाटचालीस शुभेच्छा दिल्या.