पाचोरा तालुक्यातील राणीचे बांबरुड येथील घटना
पाचोरा (प्रतिनिधी) : बांबरुड राणीचे येथे घर कोसळून संसार उपयोगी भांडे, अन्नधान्य, घरातील कपाट, भिंती पडल्याने मोठ्या प्रमाणात नुकसान झाले आहे. यामुळे नुकसानग्रस्ताचा संसार उघड्यावर पडला आहे.
राणीचे बांबरुड गावात सुरू असलेल्या पावसामुळे शेती पिकांचे, घरांचे नुकसान, घरांची पडझड असे होत आहे. दिनांक २५ ऑगस्ट रोजी रात्री गजानन सुखदेव बोरसे कुटुंबासह घरात झोपले होते. अचानक रात्री घर कोसळले. सुदैवाने जीवितहानी टळली. तर घरातील अन्नधान्य, भांडे, कपाट मातीच्या ढीगाऱ्याखाली दाबले गेले. यामुळे मोठ्या प्रमाणात नुकसान झाले. घर पडल्याने संसार उघड्यावर पडला तर झालेल्या नुकसानीचा पंचनामा करून आर्थिक मदत मिळावी अशी मागणी ग्रामस्थांकडून होत आहे.
